LIBURU HAU DESBERDINA DA. ZU ZARA PROTAGONISTA. Abentura misteriotsu eta dibertigarri hau argitzeko erabakiak hartu  beharko dituzu eta enigmak ebatzi. Agian inoiz bideojokorik zirraragarrienean jolastuko zara; edo agian ez, agian ez zara azken pantailara iritsiko, agian bertan harrapatuta geratuko zara betirako. Baina ez kezkatu. Edozein unetan egin dezakezu atzera eta zure istorioa aldatu. Ausartuko zara?

Noiz konturatzen gara bizirik gaudela? Gorputza eritasunarekin iratzarri al daiteke? Norbere gorputza biziberritzeko zeharkaldian izandako enkontru eta desenkontruak jasotzen ditu Nahia Intxaustik, natura baliabide gisa erabiliz. Poemarioa ondokoen babesarekin norbera biltzera egiten den bidaia bat da, baina, halaber, piztia bihurtzeko keinua ere bada, gaixotasunaren ikusezintasuna, eta gorputzekiko presio soziala eta kontrola borrokatzeko kanporantz irekitzen den kontakizun partekatu eta errebeldea.